“kay ang kinabuhi nindot balakon ; ug mga sugilanon, arang nindut handumon”

Category: balak

Dekada Na, Sukad Gikasal ta

Kapaspas ra man diay sa panahon,

Pila ra’y pamilok, dekada na karon.

Daw mura ra ug gahapon,

Nga kita nanumpa ug mupadayon.

Aduna’y mga kakulian,

Apan kini dali ra malutsan.

Basta kitang tulo ni Gab mag-uban,

Sayon ra gyud kini’ng tanan.

Bisan pa sa mga panghitabo,

Ug bisan pa sa kasubo,

Dili gyud kita magpadala

Kay ang tanan lumalabay ra.

Ug sa tanang mga sakripisyo ug nabuhat

Akong gipa-agi ning balak.

Isip daku nakong pasalamat,

Kay usahay ako dili maka batbat

Happy 10th wedding anniversary, o akong pinangga!

May 16, 2025
Langay, Para Dugay

Pila ra’y dagan sa oras, di-a na mi’s gawas

Gahuna-huna asa padulong, mao amo lang gi baktas

Medyo gabi-e na ug hilom na ang kadalanan

Minus na ang mga tawo, ug gamay na lang ang mga sakyanan

Igo ra pud siguro mi mahilisan

Mangaon napud mi didto sa unahan

Kay daghan pami ug storyhanan

Wala ra mi naglangay,

Apan gituyo ug dugay-dugay

–Sumpayan

March 21, 2025
Ang unang date

Nagsabot nga manga-on.

Semi-snacks, dala na panihapon.

Nag-taxi, kay layo ang lakaw

Pag abot sa lugar, hastang ka uhaw

Inom tubig kana gyu’d bugnaw

Butangi ug ice gamay sa babaw.

Nag order na mi, apan naglibog ko unsay pilion

Di na nako makahinumdum, peru sure ko lamion

Kay akong tiyan busog kaayo’s extra nga kan-on

–Sumpayan

March 6, 2025
Ang Pag ila-ila

Ang pag-ila-ila

Human na ang gabi-e ug ning hayag na
Gikan night shift nga duty, pauli na sa ilaha
Kay lagi nagka istorya na mi, of course gikilig pud ta
Ikaw bay istoryahan ug nurse nga gwapa,
Di kaha ka munga-nga?

Bitaw, padayon ta – ug dili tungod atong hitabo-a
Ambot lang ug aduna ba kahay gitawag nga kita
Salamat sa microwave ug burger nga nahimong instrumento
Kay ug di pa tungod ninyo, dili unta mi mg ka amiga/amigo
Pila rai dagan sa oras ug panahon, ang pag-ila-ila ga sugod dayon

–Sumpayan

February 21, 2025
Ang Sinugdanan

Ang Sinugdanan

Tuig sa 2011, didto ako sa lugar kong di-in ako nag trabaho

Gikan diay mi nag-tan-aw ug gig sa akong amigo

Apan pag human, gilaay na ug walay lingaw

Ug lagi dili pa ko ganahan mo lakaw

Mao nga ni dalikyat ug hapit sa mga taw

Pag abot nako sa opisina, nag istorya mi ni bossing guard

Wala ra gud ko mitagad niya,

kay aduna pud siya’y laing ka istorya

Apan kalit lang nanimahong sunog,

Aguy! Ang burger sa microwave na pagod

Ug dinhi na nag sugod, ang singudanan sa tanan

Sa wala’y pag duha-duha ni ingon ko nya,

“Okay ra ang lasa?” Akong pasabot ang burger niya

Ug ming tubag siya “O okay raman”

Ambot lang ug wala ko kasabot, apan kakataw-onon ko nga na himo-ot

February 14, 2025
Bag-ong Tuig: Apan Unsay nag Bag-o?

Cliché, sigon sa kadaghanan,

Pero kada tu-ig sige tag lista

Mga resolusyon para’s kausaban.

Pero hain naman? Milabay na lang ang dekada,

Mga gipanglista igo ra nahanaw ug nawala sa mata.

O hala, sugdi na diha, kay bag-ong tuig na, may nag bag-o ba?

Ikaw ug unsa man gani,

Basta bulahang bag-ong tuig kanimo higala!

January 1, 2025
Pu-asa

Apan kato nga ma adlaw,
Daw kan-on nga nabahaw.
Gihandum man karon,
Apan bahin na kato sa kagahapon

Ug karon nga nahinumdum
Igo na lang mopahiyum.
Kay ang oras kung muagi,
Di na kini mabalik ug abli

Ay! bernes Santo na man diay.
Puasa sa ta ug gamay.
Mangaon sa ta ug binignit
Mintras kini init, sama sa adlaw nga grabe ka ha-it!

March 29, 2024
Akong Mga Batbat

Sa tanang higayon nga ako hilom,

Dili katingog mura’g adunay gi-ugom;

Mga batbat sa baba^ daw dili mugawas

Na unsa ba, lupig pang gisakitan ug lawas.

Sa tanang higayon nga ikaw akong napahilak,

Napasakitan tungod sa mga hilom nga tahak

Daw sa panan-aw mo ako namakak,

Apan ang tinu-od, kining mga pulong dili mubugwak

Unsaon ko man, ning dila kong natulimbang

Dughan ko man buot mo-asoy

Apan sama sa tigmo sa agokoy

Ang tanan ming labay na lang

–Katapusan–

February 17, 2024